هنا من شهور ..يمكن سنين
مر الجنايني من هنا
رمى بذرته.... بذرة دهب
يحضنها طين...
وبقوة يقسمها الجنين...من منتصفها لفلقتين
وبالخجل .. ومن العجب...
يشب من بين الضلوع
عود الخشب
يقف ضعيف.. على ساق ضعيف.. على جذر أضعف من كده
وبقدرة اللي برحمته... تطلع جذور اللي بعددها اتكونت... أعواد خشب
كان عود وحيد..بيها احتمى شب ونما
ومع الشهور... يمكن سنين
بقى عود متين
يطلع نهار... يصحى يصبح ع العيدان الموجودين
ومحوطين...من هناك ومن هنا
أيوة صحيح العود نما
بقى عود متين.. على ساق متين.. على جذر أمتن من كده
إنما.... زي الحكاوي ما سجلت...واتقالنا..
إنه عزم يسيب هنا
ويروح مكان.. غير اللي شاف من أمكنة
ويسيب عيدان مولودة لأجله تحوطه
أيوة صحيح بقى عود متين
لكن وحيد
عارف ملامحه من بحيرة قريبة
ومن جديد
والأرض فضيت من جميع الموجودين
زي الحكاوي ماسجلت.. واتقالنا
"كان فيه هنا... وف يوم ماطلّش فيه نهار ولا بان قمر
زاد المطر...كان عود خشب
ثم انكسر"
.....
هناك 22 تعليقًا:
يااااااه .. حمد الله على السلامة يا ندى
جميلة أوي ورقيقة .. ومعانيها جميلة وعميقة
تحياتي
ليييييه بس اتكسر :(((((
أيه الرقة دي يا بنتي :)
حمد الله على سلامتك ياللي بعدتي اوي و كتير
النص فيه شعور من النوستالجيا
انا بارد على السريع عشان نازلة الشغل
بس هاعدي بعد الشغل اتكلم براحتي
حبيت بس اقولك وحشتينا
ياسمين نعمان: الله يسلمك يا جميلة
:)
أشكرك.... وان كانت رقيقة فذاك لرقتك أنتِ
:)
أمنية
:)
اتكسر لأنه بعد عن اللي جعلهم ربنا السبب ف قوته
:)
شكرا جدا :)
د.أسماء :)
الله يسلمك
والبعد الجسدي لا يعني بعدا روحيا أبدا
:)
واتفق معكي جداا بخصوص "النوستالجيا
وهستناكي تاني :)
عمرك ماهتبطلي تبهريني
غبتي مدة طويلة قوي بس رجعتي بحاجة تستاهل الغيبة
بس بلاش تغيبي كتير كدة
هو أنا مارجعتش من ساعتها!!
و لا انتي كمان رجعتي
..
النص ده حسسنب بوجع ماانكروش
حسيت اني زي عود الخشب ده
اللي ف الآخر
اتكسر
...
المهم كفاية غياب و ارجعي بقى
جميلة ماشاء الله
تقبلى تحياتى
محمد عبد القوي
:)
وعمرك ما هتبطل تحرجني بتعليقاتك
:)
منورني كالعادة
...
أسماء علي
:))
حبيبتي الجميلة.... ربنا ما يحرمني من طلتك عليا أبداااا يارب
تخيلي لا انا ولا انتي جينا من ساعتها؟
رمضان كريم يا حبيبتي... وربنا يجمعنا دايما
على مدونتك او مدونتي
او بلقاء قريب
قولي يارب
:)
د/ هالة
:)
تقبلتها بكل سرور وامتنان
:)
انتي فييييين؟؟
عندك غياب
تسمحيلى اكتب تعليقى؟
أتفضل المدونه مدونتى ؟ أشكرك
أكثر من رائعه بصراحه
Dr. Asmaa
تصدقي وحشتيني!!
بجد والله...
بعتذرلك عن الغياب
بس فيه قصور ف الوصل ما بين القلب والمخ حاليا
:))
مفهوم طبعا
:d
استاذ أحمد
:)
نورت المكان يا فندم
:)
وربنا يكرمك لذوقك..
جميلة اوى ورقيقة واسلوبك هايل
انتي رحتي فين؟
موجودة في الحياة .. عزيزتي أسماء
:)
@Noha Saleh
أشكرك :)
وجودك أسعدني..
جميييييله جداااا
إرسال تعليق