بحـر غريـق

ياللي غويت تغرف ف الحزن من يومك..

ونزلت بحره.. لم تخاف على هدومك..

تلمسها ميه اتعفرتت م القسوة.. وهمومك..

تشبط وتتشعبط فوق كتاف ما بتعافر...

يا بحر حزن غريق مالوش آخر..

ياما مليت الكفوف والجوف على الآخر..

كام مرة ليك مكتوب تشوف آخر..

دمعة وضحكة من عاموا على عومك...

يا بحر ياللي سكتك كان بلوغها محال..

إيه اللي قرب نحيتك.. إيه بدل الأحوال؟! ..

إن كان في حقك صدر .. كلام ومني انقال..

يخرس لساني .. ولعمري ما يلومك.......