لابسين رمادي- كنا في يوم قاعدين
وحوار طفولي كالمعتاد معَ كريستين
...وينكسر جو الكلام بسؤال بريء
كانت بتسأل: مين محمد .. مين هو عيسى للمسلمين؟
...وجت إجابتي زي السؤال - برضه بريئة
...لم تنجرف أو تنحرف عن الحقيقة
"مهما يكون.. ليكي دينك وليا دين":
..وف وقت تاني.. جه حد تاني.. بسؤال كحال الأولاني
..وف وقت تاني.. جه حد تاني.. بسؤال كحال الأولاني
كانت بتسأل: شايفاني فين؟
!قلتلها: يعني؟
قالتلي : جنة ولا ف نار؟
!!قلتلها: ربي ف إيده هو الاختيار
...وطال نقاشنا.. وجه حوار يتبع حوار
عن حال بلدنا.. عن حالنا إحنا.. عن حال قلوبنا
عن خوف سكنّا .. عن ألف محنة.. بتدق بابنا
!!!وف كل ده ... لسه بنسأل: مين فينا فين؟؟
!!!وف كل ده ... لسه بنسأل: مين فينا فين؟؟
لقيتها هي.. بلسانها هي.. جاتني تقول
: " مع اختلاف خانة الديانة ف البطاقة... مهما
يكون ... ليكي دينك وليا دين"
" إهداء لكريستين... إهداء إليكي... ولأي حد لسه بيسأل"
هناك 7 تعليقات:
!قلتلها: يعني؟
قالتلي : جنة ولا ف نار؟
!!قلتلها: ربي ف إيده هو الاختيار
استاذة رئيسة قسم الإبداع...
تحياتي وبجد مبسوطة أوى أني لايقت المدونة دي :)
يا نهار أبيض عليا وعلى كسوفي من كلامك ده.....
يابنتي ده انتي الstaff كله :)
وأنا مبسوطة أوي اني لاقيتك....:) :)
جميلة اجابتك رغم بساطتها الا انها حملت الكثير من المعانى
======================
ممكن تشيلى تاكيد الكلمة حين ارسال التعليق
جميلة انتي ياموناليزا في تواضعك.... نيجي جنبكم ايه بس :)
صعب موضوع تأكيد الكلمة ده حاليا.... كده أكثر أمناً.....
:)
أكثر من رائعة في المعنى وأكثر من بسيطة في كلماتها ^_^
أمنيه عصفور
حلو أوى المعنى ياندى ..:))
ياريت كل المتعصبين يفهموا المعنى ده
"دع الخلق للخالق"
مستنياكى يا ندى تنورينى فى مدونتى التواضعه..:))
أمنية عصفور :)
زي مابيقولوا أشكر مرورك
:)
بيور... ليا الشرف يا فندم :)
إرسال تعليق